رويت ظمآه من دمعي ..!!

ألا يـــآرب أبعــــــد حـــزني عـــني
ترى  همـــــــــومي بقلبي مب قليله

طلبتـــــــك آرحم قليبي وآرحمــني
تـــــرى قــــــــلبي عليل وأنا عليله

لقيت الحــزن وحده ثم ســـــــلبني
وآصبـحت للحـــــزن آنا خليــــــله

تمسـك فيني والله وهو عــــشقني
وصـــار يزورني في كـــل ليــــله

رويت ظمـآه من دمعي وشـكرني
ولو مآعــــآد فيـني أي حيــــــله

بوسط الهــم يآعــالم كتبـــــنـي
وأنا دروب الألم فينــي طويـــله

علآمه الزمـــن بأحزآنه كفـــلني
ورغـــــــــم عني  خلاني كفيــله

ياليت الموت من صغري آخذني
ولآ أشوف الحزن مكسور وأشيله