ياويل قلبي .. لثمته فيني تصيب

ياريح شوقي سيري لْدار الحبيب
وهبّي على قلبه في مدّه قصيره

طيري شماغه واجعليه منّه قريب
وْمن شفّته الحمرا وعينه الخطيره

ياويل قلبي .. لثمته فيني تصيب
بسْهام قلبه وآنا توّي صغيره !

وشلون حبيته ترى شيٍ عجيب
من صغْر سنّي صرت والله أسيره

يجرح بكيفه والبلا إنّه طبيب !
يجرح ويداويني وانا له أميره

يازين أنفه .. رسم عينه .. والغريب
إنّه على لْسان الحسن صار سيره !

ياويل قلبي يابشر .. هذا الحبيب
عينٍ وحاجب .. والشفاه الدميره !

ياليت ظنّي به أبد لا ما يخيب
ويالله عسى الافراح عنده كبيره

كل الشكر لمن قآام بوزن القصيدة

وكلمة شكرا لاتفيه حقه

له باقات الورووووود

والتقدير والاحترام