ياطيور الحب وصلي لدار أبو متعب تحيه
أحمليها بكل رقة وسابقي فيها الحمام
أحمليها بكل رقة وسابقي فيها الحمام
احمليها ولاوصلتي قولي عندي لك هديه
من هنوف حملتني لك تحيات وسلام
ولاسأل منهي الهنوف فـ قولي بنيه شقيه
تعشق بلاده وتهدي كل حب ٍ احترام
يابلادي غير مجدك بالثرى وأنتي ثريه
ياعسى تعدي سنينك كلها برد و سلام
وياعسى نورك مايظلم لا ولا ينقص شويه
ربي احفظ لي بلادي شامخ بوجه الخصام
كل عام وكل وقت وخفقة البيرق قوويه
تعمي عيون الحسود وتحرمه طعم المنام
لاتلوميني إذا قلت أعشق الأخضر واخيه
أعشق الأخضر والأبيض لون عزك بالتمام
والشهادة تعلن الإخلاص لله ولـ نبيه
والسيوف إللي تحتها تعني الحق الحسام
يابلادي ويش أوصف وأنتي يابلادي نقيه
والعقل يحتار عندك لا .. ولا يسعف كلام
أنتي موطن للأمان .. وانتي للعالم هديه
يكفي إنه في ثراها انبعث طــه الإمام
ويكفي يكفي يابلادي شعبك أخلاقه نديه
أرضها عز ومهابه .. أرضها حب ووئام
بحكم أبو متعب رضينا اوولي العهد خيه
ومن سكن فيها ثواني .. يعشقه حد الهيام
يابلادي مافي مثلك شامخه أنتي وقويه
وأسمحي للمجد ياقف لك معزه و احترام
أيه أحبك يابلادي دامه عروقي نديه
وأشهد إني من جنوني فيك ما أرضى الفطام
