لاذبحني الشــــوق وبكيت الليـــــالي
أذكرك وأذكر معـــك كل الأفـــــــراح
اذكر أني كنــــــت أنـــــاديك ياغالي
وأشــــتم الحظ الردي معك لاطــــاح
وأتغزل فيــك وأحطــــك في بـــــالي
وأنســـــى في قربك أنا كل الجـــراح
وين حبي ؟ وينك أنت في خيــالي ؟؟
وين قلبي ؟؟ وليه قلبــــك عني راح
أنت ماقصــــرت خــــــليتني لحالي
لا وأبشـــــــــــرك انذبح قلبي ذباح
مات قلبي ومن خيـــالك ماهو خالي
مآدريت أن القتـــــــــل عندك مباح
شوف دمعي وصرحه وشلون عـالي
وشوف همـي من فراقك كيف صاح
مآدريت أن العشــــــق ســم الليالي
مــــآت قلبي والحزن من جوفه فاح
هذا قلبي مات من فرقـــــــاك ياغالي
وهذاجرحك شوف من حوله الجراح
بغرفة الإنــــــعاش خلـــــــيته ينآلي
جزا حبك وأنا أزوره بكـــــل صباح
يآعســى المـــــوت يضمه هو بدآلي
ولايتعذب من نزيف القـــــلب لاناح
شوف حبك كيف ذبحــــني ومايبالي
شوفه يالغــالي وشوف بعده الأفراح
بعد جرحـــك مآيهمنــــــي كل حالي
هو بقى حالي من بعـدك وإلا رآح ؟؟
شوف مكان القلــــــب وشلون خالي
كيف قويت تذبح قلبي هالذبــــــآح ؟
مآظـن الوقــت يشـــفع لك يآغــالي
كيف يشفع لمن مـــــلا قلبي جراح
